महाराष्ट्र लोकसेवा आयोग महाराष्ट्र नागरी सेवा राजपत्रित गट ‘अ’ व गट ‘ब’ संयुक्त पूर्व परीक्षा-2026 रविवारी

पटवर्धन हायस्कूल व फाटक हायस्कूल उपकेंद्रांवर बैठक व्यवस्था

रत्नागिरी : महाराष्ट्र लोकसेवा आयोगामार्फत घेण्यात येणारी महाराष्ट्र नागरी सेवा राजपत्रित गट अ व गट ब संयुक्त पूर्व परीक्षा-2026 ही परीक्षा रविवार दि. 31 मे 2026 रोजी रत्नागिरी तालुक्यातील पटवर्धन हायस्कूल व फाटक हायस्कूल या उपकेंद्रांवर दोन सत्रांमध्ये (प्रत्यक्ष परीक्षेची वेळ सकाळी 10 वा. ते दुपारी 12 वा. व दुपारी 3 वा. ते सायंकाळी 5 वा.) या वेळेत घेण्यात येणार आहे. या परीक्षेसाठी एकूण 554 उमेदवार परीक्षेस बसणार आहेत.

या परीक्षेची बैठक व्यवस्था खालील प्रमाणे करण्यात आलेली आहे.

पटवर्धन हायस्कूल, रत्नागिरी या उपकेंद्रावर –  RT3900001 ते RT3900240

फाटक हायस्कूल रत्नागिरी या उपकेंद्रावर    –  RT3900241 ते RT3900554

या परीक्षेच्या आयोजनाबाबत उमेदवारांना महत्त्वाच्या सूचना देण्यात आल्या आहेत.  आयोगामार्फत आयोजित परीक्षांमध्ये कॉपीचा / गैरप्रकाराचा प्रयत्न करणाऱ्या घटनांची आयोगाने गंभीर दखल घेतली आहे. अशा प्रकरणी आयोगाकडून संबंधितावर फौजदारी व प्रशासकीय अशा दोन्ही स्वरुपाची कारवाई करण्यात आली आहे.  परीक्षांकरीता आयोगाने कडक उपाययोजना केलेल्या आहेत. परीक्षा उपकेंद्रांवर उमेदवारांची आयोगाकडून नियुक्त करण्यात आलेल्या सेवा पुरवठादार संस्थेच्या कर्मचाऱ्यांकडून तपासणी (Frisking) करण्यात येणार आहे.