बनावट ई-चलान मेसेजद्वारे मोबाईल हॅक; ६ लाख २९ हजारांची ऑनलाइन फसवणूक

Shabbir Vasta
1 Min Read

रत्नागिरी : वाहतूक नियमभंगाचा दंड भरल्याचा बनावट मेसेज पाठवून त्यातील लिंकद्वारे मोबाईलचा गैरवापर करत बँक खात्यातून तब्बल ६ लाख २९ हजार रुपये ऑनलाइन लंपास केल्याचा धक्कादायक प्रकार रत्नागिरी शहरात उघडकीस आला आहे. याप्रकरणी तौकीर मकबूल सोलकर (वय ३२, रा. कोहिनूर हेरिटेज, मंडवी रोड, रत्नागिरी) यांनी पोलिसांत तक्रार दाखल केली आहे.

पोलिसांनी दिलेल्या माहितीनुसार, १४ नोव्हेंबर २०२६ रोजी दुपारी २.३० वाजल्यापासून १७ नोव्हेंबर रोजी सायंकाळी ४.४० वाजेपर्यंत हा प्रकार घडला. अज्ञात व्यक्तीने सोलकर यांच्या मोबाईल क्रमांकावर वाहतूक नियमभंगाच्या दंडासंदर्भात ई-चलान भरण्यासाठी संदेश पाठविला.

या संदेशामध्ये देण्यात आलेली लिंक तक्रारदार यांनी उघडली. त्यानंतर त्यांच्या मोबाईलचा गैरवापर करून बँक ऑफ इंडिया आणि सारस्वत बँकेच्या खात्यांमधून एकूण ६ लाख २९ हजार रुपये काढून घेण्यात आले. आपली फसवणूक झाल्याचे लक्षात आल्यानंतर सोलकर यांनी पोलिसांत धाव घेत तक्रार दाखल केली.

या प्रकरणी माहिती तंत्रज्ञान अधिनियम २००० मधील कलम ६६(क) आणि ६६(ड) नुसार अज्ञात व्यक्तीविरुद्ध गुन्हा दाखल करण्यात आला असून, रत्नागिरी पोलीस पुढील तपास करीत आहेत.

Share This Article
Leave a Comment

Leave a Reply

Your email address will not be published. Required fields are marked *